கிரிக்கெட் செய்தித்துளிகள்

ஆஸ்ட்ரேலிய வீரர் நேதன் பிராக்கன் ஓய்வு அறிவிப்பு 

ஆஸ்ட்ரேலியாவின் ஒருநாள் கிரிக்கெட் நிபுணரான இடது கை வேகப்பந்து வீச்சாளர் நேதன் பிராக்கன் கிரிக்கெட்டிலிருந்து ஓய்வு பெறுவதாக அறிவித்தார்.

நியூசவுத்வேள்சைச் சேர்ந்த நேதன் பிராக்கன் 2007ஆம் ஆண்டு மேற்கிந்திய தீவுகளில் நடைபெற்ற உலகக் கோப்பை வெற்றியில் ஆஸ்ட்ரேலியாவுக்காக பெரும்பங்கு வகித்தவர்.

இவர் 116 ஒரு நாள் சர்வதேச போட்டிகளில் பங்கேற்றுள்ளார். டெஸ்ட் போட்டிகளில் இவர் அதிகம் இடம்பெறாவீட்டாலும் ஒரு சில போட்டிகளில் விளையாடினார்.

கடைசியாக செப்டம்பர் 2009ஆம் ஆண்டு இங்கிலாந்து அணிக்கு எதிராக ஒருநாள் போட்டியில் விளையாடினார் பிராக்கன். தற்போது காயம் காரணமாக அவர்  ஓய்வு அறிவித்துள்ளார்.

......

இந்தியா-இங்கிலாந்து போட்டி இல்லை: கொல்கத்தா மைதானத்தில் 3 போட்டி தான் நடைபெறும்; சரத்பவார் பேட்டி

உலக கோப்பை கிரிக்கெட் போட்டி வருகிற 19-ந்தேதி முதல் ஏப்ரல் 2-ந்தேதி வரை நடக்கிறது. இந்தியா, இலங்கை, வங்காளதேசம் ஆகிய 3 நாடுகளில் இந்தப்போட்டி நடைபெறுகிறது.  இந்தியாவில் மும்பை, சென்னை, கொல்கத்தா, டில்லி, பெங்களூர், நாக்பூர், அகமதபாத், மொகாலி ஆகிய மைதானங்களிலும், இலங்கையில் கொழும்பு, ஹம்பன்டோடா, பல்லி கெலே ஆகிய மைதானங்களிலும், வங்காளதேசத்தில் மிர்பூரிலும் போட்டி நடை பெறுகிறது.

புகழ்பெற்ற கொல்கத்தா ஈடன்கார்டன் மைதானத்தில் 4 ஆட்டங்கள் நடைபெறும் என்று அறிவிக்கப்பட்டு இருந்தது. இந்தியா- இங்கிலாந்து (27ந்தேதி), தென்ஆப்பிரிக்கா- அயர்லாந்து (மார்ச் 15), அயர்லாந்து-நெதர்லாந்து (மார்ச்18), கென்யா- ஜிம்பாப்வே (மார்ச் 20) ஆகிய போட்டிகள் அங்கு நடைபெறும் என்று ஏற் கனவே வெளியிடப்பட்ட அட்டவணையில் தெரிவிக்கப்பட்டது.

உலக கோப்பை போட்டிக்காக கொல்கத்தா ஈடன்கார்டன் மைதானம் புதுப்பிக்கப்பட்டு வருகிறது. ஐ.சி.சி. (சர்வதேச கிரிக்கெட் கவுன்சில்) விதித்த கெடுவுக்குள் ஸ்டேடியத்தின் பணி முடிவடையவில்லை. இதனால் இந்தியா- இங்கிலாந்து மோதும் முதல் ஆட்டத்தை அங்கு நடத்த இயலாது. மற்ற 3 ஆட்டங்களையும் நடத்தலாம் என்று ஐ.சி.சி. கடந்த சில தினங்களுக்கு முன்பு அறிவித்தது.

இது பெங்கால் கிரிக்கெட் சங்கத்துக்கு அதிர்ச்சியை ஏற்படுத்தியது. இதனால் 7-ந்தேதி வரை காலக்கெடுவை நீட்டிக்க வேண்டும் என்று கேட்டு இருந்தது. இந்திய கிரிக்கெட் வாரியம் மூலம் விடுக்கப்பட்ட இந்த கோரிக்கையை ஐ.சி.சி. நிராகரித்து விட்டது. மறுபரிசீலனை பேச்சுக்கே இடமில்லை என்று ஐ.சி.சி. திட்டவட்டமாக அறிவித்து விட்டது.

இதன் காரணமாக இந்தியா- இங்கிலாந்து மோதும் ஆட்டம் கொல்கத்தா ஈடன்கார்டன் மைதானத்தில் நடைபெறாது. வேறு இடத்துக்கு மாற்றப்பட்டுள்ளது.

இதுதொடர்பாக ஐ.சி.சி. தலைவரும், மத்திய மந்திரியுமான சரத்பவார் கூறியதாவது:-

கொல்கத்தா மைதானத்தில் முதல் ஆட்டம் நடைபெறுவதற்கான வாய்ப்பு இல்லை. ஆனால் மற்ற 3 ஆட்டங்களும் அங்கு நடைபெற வாய்ப்பு உள்ளது. அதற்குள் அனைத்து பணிகளும் முடிந்து விடும் என்று நம்புகிறேன். இது சம்பந்தமாக இந்திய கிரிக்கெட் வாரியத்துக்கு எழுத்து பூர்வமாக தெரிவித்து விட்டோம். கிரிக்கெட் வாரிய தலைவர் சசாங்க மனோகரிடமும் பேசிவிட்டேன். ஸ்டேடியம் தயாரானால் மட்டுமே அங்கு எஞ்சிய 3 போட்டியையும் நடத்த முடியும் என்பதை கூறிவிட்டேன்.

மேற்கு வங்காள முதல்- மந்திரி என்னிடம் கேட்டுக் கொண்டதற்கு இனங்க நான் தனிப்பட்ட முறையில் இதில் தலையிட்டேன். ஆனால் ஐ.சி.சி. குழு வரும்போது மைதானம் தயாராக இல்லை. இவ்வாறு சரத்பவார் கூறினார்.   இந்தியா-இங்கிலாந்து மோதும் ஆட்டம் பெங்களூரில் நடத்தப்படும் என்று தெரிகிறது. இதற்கிடையே பெங்கால் கிரிக்கெட் சங்க தலைவர் டால்மியா இன்னும் நம்பிக்கையில் உள்ளார்.

மேலும் படிக்க...

Read More

கொல்கத்தா போட்டியை ரத்து செய்யக்கூடாது; இந்திய கிரிக்கெட் சங்கம் ICC க்கு கடிதம்

உலக கோப்பை போட்டிகள் நடத்தப்படும் மைதானங்களில் கொல்கத்தா மைதானமும் ஒன்று. இந்த மைதானத்தில் 4 போட்டிகள் நடத்த முடிவு செய்யப்பட்டு இருந்தது. உலக கோப்பை போட்டிக்காக கொல்கத்தா மைதானம் புதுப்பிக்கப்பட்டு வந்தது. ஆனால் இதன் பணிகள் இன்னும் முடியவில்லை.

 

கடந்த 25-ந்தேதியே பணிகள் முடிக்க கெடு விதிக்கப்பட்டு இருந்தது. ஆனால் இன்னும் பணி முடியாததால் பிப்ரவரி 27-ந்தேதி தொடங்கும் முதல் போட்டியை மட்டும் ரத்து செய்து விட்டு வேறு மைதானத்தில் நடத்தலாம் என்று சர்வதேச கிரிக்கெட் சங்கம் ஆலோசித்து வருகிறது.

இதற்கு கொல்கத்தா கிரிக்கெட் சங்கம் கடும் எதிர்ப்பு தெரிவித்து உள்ளது. கொல்கத்தா கிரிக்கெட் சங்க தலைவர் டால்மியா இந்திய கிரிக்கெட் சங்கத்துக்கு கடிதம் எழுதினார். அதில் விரைவில் பணிகளை முடித்து விடுவோம். எனவே காலக்கெடுவை 7-ந்தேதி வரை நீடிக்க வேண்டும். போட்டியை ரத்து செய்யக் கூடாது என்று கூறி இருந்தார்.

இதைத் தொடர்ந்து இந்திய கிரிக்கெட் சங்கம் ஐ.சி.சி.க்கு ஒரு கடிதம் எழுதி உள்ளது. அதில் கொல்கத்தா முதல் போட்டியை ரத்து செய்யக்கூடாது. மறு பரிசீலனை செய்ய வேண்டும் என்று கூறப்பட்டுள்ளது. இதுபற்றி இந்திய கிரிக்கெட் சங்க தலைவர் ஷாசங்க் மனோகர் கூறியதாவது:-

டால்மியா எழுதிய கடிதம் எங்களுக்கு கிடைத்ததும் அதை ஐ.சி.சி.க்கு அனுப்பி வைத்து விட்டோம். இதனுடன் இந்திய கிரிக்கெட் சங்கமும் தனியாக ஐ.சி.சி.க்கு கடிதம் அனுப்பி உள்ளது. அதில் கொல்கத்தா மைதானத்தை தயார்படுத்த 10 நாட்கள் அவகாசம் கொடுங்கள், முடித்து கொடுத்து விடுகிறோம்.

முதல் போட்டியை ரத்து செய்ய வேண்டாம் என்று கேட்டு இருக்கிறோம். இதை ஐ.சி.சி. சாதகமான முறையில் பரிசீலிக்கும் என எதிர்பார்க்கிறோம்.

31-ந்தேதிக்குள் மாற்று மைதானத்தை தேர்வு செய்யும்படி கூறி இருக்கிறார்கள். ஆனாலும் நாங்கள் அனுப்பிய கடிதத்தின்படி பேச முடிவு எடுப்பார்கள் என எதிர்பார்க்கிறோம். இவ்வாறு அவர் கூறினார்.

Read More

உலகக் கோப்பைப் போட்டியை நடத்தும் வாய்ப்பை இழந்தது ஈடன் கார்டன்

பிரசித்தி பெற்ற கொல்கத்தா ஈடன் கார்டன் மைதானம், உலகக் கோப்பைக் கிரிக்கெட் போட்டியில் பங்கேற்கும் வாய்ப்பை இழந்துள்ளது.

இங்கு இந்தியா-இங்கிலாந்து இடையிலான போட்டி நடைபெறுவதாக அறிவிக்கப்பட்டிருந்தது. ஆனால் குறித்த காலத்திற்குள் மைதானத்தைப் புதுப்பிக்கும் பணியை முடிக்காததால், ஈடன் கார்டன் மைதானத்தை, போட்டி மைதானப் பட்டியலிலிருந்து சர்வதேச கிரிக்கெட் கவுன்சில் கமிட்டி நீக்கி விட்டது.

இந்த மைதானத்தில் பிப்ரவரி 27ம் தேதி இந்தியா, இங்கிலாந்து இடையிலான போட்டி நடைபெறுவதாக இருந்தது. தற்போது ஐசிசி இந்த மைதானத்தை நிராகரித்து விட்டதால், வேறு மைதானத்திற்குப் போட்டியை மாற்றவுள்ளனர்.

இதுகுறித்து ஐசிசி வெளியிட்டுள்ள அறிக்கையில், போட்டி இயக்குநர், மத்திய ஒருங்கிணைப்புக் குழு உறுப்பினர்கள், ஐசிசி ஆகியோர் அடங்கிய ஆய்வுக் குழு போட்டியை நடத்தவுள்ள ஐந்து மைதானங்கள் குறித்த அறிக்கையை அளித்துள்ளது. அதில், இலங்கையில் உள்ள மூன்று மைதானங்கள் (கொழும்பு, ஹம்பந்தோட்டா, பல்லகலே) ஆகியவையும், மும்பை வாங்கடே மைதானமும் போட்டியை நடத்தும் தகுதியுடன் இருப்பதால் அவை அங்கீகரிக்கப்பட்டுள்ளன. இந்த மைதானங்களில் சிறிய அளவிலான முடிக்கும் பணிகள் மட்டுமே பாக்கி உள்ளன. அவற்றையும் கூட இன்னும் 14 நாட்களுக்குள் முடிக்குமாறு அறிவுறுத்தியுள்ளோம்.

கொல்கத்தா ஈடன் கார்டன் மைதானத்தில் பராமரிப்புப் பணிகள் குறித்த காலத்திற்குள் முடிவடையவில்லை. இதனால் அந்த மைதானம் நிராகரிக்கப்படுகிறது என்று தெரிவிக்கப்பட்டுள்ளது.

ஏற்கனவே ஐபிஎல் ஏலத்தில் கங்குலியை யாரும் எடுக்காததால் கொல்கத்தா கிரிக்கெட் ரசிகர்கள் கடும் கடுப்பில் உள்ளனர். இந்த நிலையில் உலகக் கோப்பைப் போட்டியும் நடைபெறாது என்ற தகவலால் அவர்கள் கடும் அதிருப்தி அடைந்துள்ளனர்.

புகழ் பெற்ற நிகழ்வுகளும்- கலாட்டாக்களும்

இந்தியாவிலேயே மிகப் பெரிய மைதானம் ஈடன் கார்டன் மைதானம்தான். அத்தோடு உலகிலேயே 2வது மிகப் பெரிய ஸ்டேடியமும் கூட. ஈடன் கார்டன் மைதானத்தில் பல புகழ் பெற்ற நிகழ்வுகள் நடந்துள்ளன- கலாட்டாக்களும்.

1966-67ல் மேற்கு இந்தியத் தீவுகள் அணி இங்கு ஆடியபோதும், 1969-70ல் ஆஸ்திரேலிய ஆடியபோதும் பெரும் கலவரம் மூண்டது.

1987ம் ஆண்டு இங்கு உலகக் கோப்பை கிரிக்கெட்டின் இறுதிப் போட்டி நடந்தது. அதில், இங்கிலாந்தை 7 ரன்கள் வித்தியாசத்தில் ஆஸ்திரேலியா தோற்கடித்து கோப்பையைத் தட்டிச் சென்றது.

1996ம் ஆண்டு இந்தியா, இலங்கை, பாகிஸ்தான் இணைந்து உலகக் கோப்பைப் போட்டியை நடத்தியபோது, இங்கு அரை இறுதிப் போட்டி நடந்தது. அதில் இந்தியாவும், இலங்கையும் மோதின. இந்தியா தோல்வியுறும் நிலையில் இருந்ததால் ரசிகர்கள் பெரும் கலவரத்தில் குதித்தனர். ஸ்டேடியத்தில் தீயும் வைக்கப்பட்டது. இதையடுத்து போட்டி ரத்து செய்யப்பட்டது.

1999ம் ஆண்டு நடந்த இந்தியா, பாகிஸ்தான் போட்டியின்போது சச்சின் டெண்டுல்கர் ரன் அவுட் ஆனார். ஆனால் பாகிஸ்தான் பந்து வீச்சாளர் சோயப் அக்தர் வேண்டுமென்றே தடுத்ததால்தான் சச்சின் ரன் அவுட் ஆனார் என்று நினைத்து ரசிகர்கள் பெரும் கலவரத்தில் குதித்தனர். இதையடுத்து ரசிகர்கள் அனைவரையும் வெளியேற்றிய பின்னர் யாருமே இல்லாத சூழலில் போட்டி மட்டும் தொடர்ந்து நடந்தது.

1991ல் இங்கு நடந்த போட்டியில் இலங்கைக்கு எதிராக கபில் தேவ் ஹாட்ரிக் விக்கெட்களைப் பறித்தார். அதுதான் ஒரு நாள் போட்டியில் எடுக்கப்பட்ட முதல் ஹாட்ரிக் சாதனையாகும். மேலும் ஒரு நாள் போட்டியில் ஹாட்ரிக் பெற்ற முதல் வீரரும் கபில் தேவே.

இதே மைதானத்தில் 2000-01ல் நடந்த டெஸ்ட் போட்டியின்போது ஹர்பஜன் சிங் ஹாட்ரிக் பெற்று, கபில் தேவுக்கு அடுத்து அந்த சாதனையைப் புரிந்த இந்திய வீரராக உயர்ந்தார்.

இந்த மைதானத்தில் அதிகம் எடுக்கப்பட்ட ரன் வி.வி.எஸ்.லட்சுமண் எடுத்த 281 ரன்களே ஆகும். 

இப்படி பல முக்கிய சம்பவங்களை சந்தித்துள்ள ஈடன் கார்டன் மைதானம் உலகக் கோப்பைக் கிரிக்கெட் போட்டியின் வரைபடத்தில் இடம் பெறாமல் போயிருப்பதால் ரசிகர்கள் பெரும் அதிர்ச்சியும், ஏமாற்றமும் அடைந்துள்ளனர்.

English summary

The International Cricket Council on Thursday ruled out Calcutta's Eden Gardens as the venue for the cricket World Cup group match between India and England on Feb. 27, saying it would not be ready in time.

The ICC's chief executive Haroon Lorgat informed the Board of Control for Cricket in India (BCCI) of the decision and said a new venue is expected to be proposed soon.

Lorgat said all venues had been given ample time to prepare for the World Cup matches, including deadline extensions, "but unfortunately, we are now at a point where we must carefully manage our risks."

"Regrettably, Eden Gardens has not made sufficient progress to justify the level of confidence required to confirm that the venue would be ready in good time," Lorgat said. "This was no easy decision to take and, while it is most unfortunate, it is absolutely necessary."

An ICC inspection team had visited Eden Gardens on Tuesday to check on progress at the venue, which is also due to hold three other league matches during the Feb. 19-April 2 tournament being jointly hosted by India, Sri Lanka and Bangladesh.

"We will work with the new venue, the tour operators and the ticket distributors to manage the logistical challenges that will surely arise," tournament director Ratnakar Shetty said.

The ICC said in a statement that Mumbai's Wankhede Stadium as well as three Sri Lankan venues were cleared after similar inspections.

Sri Lanka's Colombo, Hambantota and Pallekele had been approved subject to minor finishing work being completed within 14 days.

Lorgat said in the statement that the venues had been given two earlier deadlines — Nov. 30 and Dec. 31 — before the final deadline of Jan. 25.

Read More